"ಪವಿತ್ರ ಪೀಠ ಮತ್ತು ವ್ಯಾಟಿಕನ್ನೊಂದಿಗೆ ಸಾರ್ವಜನಿಕ ಒಪ್ಪಂದಗಳನ್ನು ನೀಡುವ ಕಾರ್ಯವಿಧಾನಗಳಲ್ಲಿ ಪಾರದರ್ಶಕತೆ, ನಿಯಂತ್ರಣ ಮತ್ತು ಸ್ಪರ್ಧೆಯ ಮಾನದಂಡಗಳು" ಎಂಬ ಶೀರ್ಷಿಕೆಯಲ್ಲಿ ಮೇ 19, 2020ರಂದು ಹೊರಡಿಸಲಾದ ಪ್ರೇಷಿತ ಪತ್ರವನ್ನು ವಿಶ್ವಗುರುಗಳ ಸಕಾಲಿಕ ಪತ್ರ ರೂಪದಲ್ಲಿ ಅನುಷ್ಠಾನಗೊಳಿಸುವ ನಿಯಮಗಳನ್ನು ವಿತ್ತೀಯ ಆಡಳಿತ ಕಚೇರಿಯು ಪ್ರಕಟಿಸಿತು.
ವ್ಯಾಟಿಕನ್ ವಾರ್ತಾ ಸಿಬ್ಬಂದಿ ಬರಹಗಾರರಿಂದ
"ಪವಿತ್ರ ಪೀಠ ಮತ್ತು ವ್ಯಾಟಿಕನ್ನೊಂದಿಗೆ ಸಾರ್ವಜನಿಕ ಒಪ್ಪಂದಗಳನ್ನು ನೀಡುವ ಕಾರ್ಯವಿಧಾನಗಳಲ್ಲಿ ಪಾರದರ್ಶಕತೆ, ನಿಯಂತ್ರಣ ಮತ್ತು ಸ್ಪರ್ಧೆಯ ಮಾನದಂಡಗಳು" ಎಂಬ ಶೀರ್ಷಿಕೆಯಲ್ಲಿ ಮೇ 19, 2020ರಂದು ಹೊರಡಿಸಲಾದ ಪ್ರೇಷಿತ ಪತ್ರವನ್ನು ವಿಶ್ವಗುರುಗಳ ಸಕಾಲಿಕ ಪತ್ರ ರೂಪದಲ್ಲಿ ಹೇಗೆ ಅನುಷ್ಠಾನಗೊಳಿಸಬೇಕು ಎಂಬುದರ ಕುರಿತು ಹೊಸ ನಿಯಮಗಳನ್ನು ಹೊರಡಿಸಲಾಗಿದೆ. ಈ ಪ್ರಕಟಣೆಯಲ್ಲಿ 49 ಲೇಖನಗಳು ಮತ್ತು 7 ಅನುಬಂಧಗಳಿವೆ ಮತ್ತು ಇದನ್ನು 22 ಜೂನ್ 2021 ರಂದು ವಿತ್ತೀಯ ಆಡಳಿತ ಕಚೇರಿಯ ಮುಖಂಡ ಮತ್ತು ವಿಶ್ವಗುರುಗಳ ರಾಯಭಾರಿಯಾದ ವಂದನೀಯ ಸ್ವಾಮಿ. ಜುವಾನ್ ಆಂಟೋನಿಯೊ ಗೆರೆರೋ ಅಲ್ವೆಸ್ ರವರು ಅನುಮೋದಿಸಿದರು. ಮ್ಯಾಜಿಸ್ಟೀರಿಯಂನ ಇತರ ಹೇಳಿಕೆಗಳ ಸಂಗಡ ಈ ವಿಶ್ವಗುರುಗಳ ಸಕಾಲಿಕ ಪತ್ರ ಹೇಗೆ ನಿರ್ವಹಿಸಬೇಕು ಎಂಬುದರ ಕುರಿತು ಈ ಪಠ್ಯವು ವಿವರವಾದ ವ್ಯಾಖ್ಯಾನದೊಂದಿಗೆ ಉತ್ತಮ ನಿರ್ದೇಶನವನ್ನೂ ನೀಡುತ್ತದೆ. ಈ ನಿಯಮಾವಳಿಗಳು "ನಿರ್ದಿಷ್ಟ ಖರೀದಿಗಳ ಯೋಜನೆಗಳ ಕ್ರೋಢೀಕರಣ ಮತ್ತು ಸಾಮಾನ್ಯ ಖರೀದಿಗಳ ಯೋಜನೆಗಳನ್ನು ಸಿದ್ಧಪಡಿಸುವುದಕ್ಕೆ ಸಂಬಂಧಿಸಿದ ಚಟುವಟಿಕೆಗಳನ್ನು, ದೈವ ಸಿದ್ದಾಂತ ಪೀಠದ ಪರಂಪರೆಯ ಒಮ್ಮತದಿಂದ, ಬಜೆಟ್ ತಯಾರಿಕೆಗಾಗಿ ಸ್ಥಾಪಿಸಲಾದ ಕಾರ್ಯವಿಧಾನಗಳಿಗೆ ಅನುಗುಣವಾಗಿ ವಿತ್ತೀಯ ಸಚಿವಾಲಯವು ನೀಡುವ ನಿರ್ದೇಶನಗಳ ಮೂಲಕ ನಿಯಂತ್ರಿಸಲಾಗುತ್ತದೆ.”
ಈ ದಾಖಲೆಯು ರೋಮನ್ ಕ್ಯೂರಿಯಾದ ಡಿಕಾಸ್ಟರೀಸ್ ಮತ್ತು ಇತರ ಕಚೇರಿಗಳು, ಪವಿತ್ರ ಪೀಠಕ್ಕೆ ಸಂಬಂಧಿಸಿದ ಅಥವಾ ಪವಿತ್ರ ಪೀಠದಲ್ಲಿ ಉಲ್ಲೇಖಿಸಿರುವ ಸಂಸ್ಥೆಗಳು, ಹಾಗೆಯೇ ಆರ್ಥಿಕ ವಿಭಾಗದ ಉನ್ನತ ಅಧಿಕಾರಿಗಳಿಂದ ಅನುಮೋದಿಸಲಾದ ಪಟ್ಟಿಯಲ್ಲಿ ಸೂಚಿಸಲಾದ ಎಲ್ಲಾ ನ್ಯಾಯಾಂಗ ಘಟಕಗಳಿಗೆ ಸಂಬಂಧಿಸಿದಂತೆ ಎಲ್ಲಾ "ಸೇವೆಗಳ ಖರೀದಿ, ಸರಬರಾಜು ಮತ್ತು ಕಾರ್ಯಗಳಿಗೆ’ ಸಂಬಂಧಿಸಿದ್ದಾಗಿದೆ
ಯಾವುದೇ ಪ್ರಯತ್ನಿಸಿದ ಅಥವಾ ಮಾಡಿದ ಅಪರಾಧದ ತನಿಖೆಗೆ ಒಳಪಟ್ಟ ವ್ಯಾಪಾರ ಘಟಕಗಳು ಅಥವಾ ವ್ಯಕ್ತಿಗಳನ್ನು ನೇರವಾಗಿ ಒಪ್ಪಂದಗಳನ್ನು ನೀಡುವ ಕಾರ್ಯಸೂಚಿಯಲ್ಲಿ ಭಾಗವಹಿಸುವುದರಿಂದ ಹೊರಗಿಡುವುದಲ್ಲದೆ ಅಧಿಕೃತ ಮಾರಾಟಗಾರರ ಪಟ್ಟಿಯ ನೋಂದಣಿಯಿಂದ ಕೈಬಿಡಲಾಗುತ್ತದೆ. " ಒಪ್ಪಂದದ ಮೌಲ್ಯದ 30% ನಷ್ಟು "ಉಪಗುತ್ತಿಗೆ ನೀಡಲು ಗರಿಷ್ಠ ಮಿತಿ ನಿರ್ಣಯಿಸಲಾಗಿದೆ.
ಇದಲ್ಲದೆ ಈ ಆಡಳಿತ ನಿಯಮಗಳು ಟೆಂಡರ್ ಪ್ರಕಾರಗಳು, ತಾಂತ್ರಿಕ ಬಿಡ್ಗಳ ಮೌಲ್ಯಮಾಪನ ಮತ್ತು ಲೆಕ್ಕಪತ್ರಗಳ ನಿರ್ವಹಣೆಯ ವಿವರಗಳ ಮೇಲೆ ಗಮನ ಹರಿಸುತ್ತವೆ. "ತುರ್ತು ಮಧ್ಯಸ್ಥಿಕೆಗಳ" ಸಂದರ್ಭದಲ್ಲಿ, ಗುತ್ತಿಗೆ ಪ್ರಾಧಿಕಾರವು ಪರಿಸ್ಥಿತಿಯ ಅಗತ್ಯಕ್ಕೆ ಅನುಗುಣವಾಗಿ ಕೈಗೊಂಡ ಕಾರ್ಯಗಳನ್ನು ಸಾಧ್ಯವಾದಷ್ಟು ಬೇಗ ದಾಖಲಿಸುವುದನ್ನು ಹೊರತುಪಡಿಸಿ ಯಾವುದೇ ಔಪಚಾರಿಕತೆಗಳಿಲ್ಲದೆ ಕಾರ್ಯನಿರ್ವಹಿಸಬಹುದು. " ಒಪ್ಪಂದಗಳ ಆಡಳಿತ ಮತ್ತು ಅನಿಷ್ಠಾನ" ಕ್ಕೆ ಸಂಬಂಧಿಸಿದಂತೆ," ನಿರಂತರ ಮತ್ತು ನಿಯಮಿತ ಕಾಲಕ್ಕೆ ಪುನರಾವರ್ತಿತ ಒಪ್ಪಂದಗಳನ್ನು ಮೂರು ವರ್ಷ ಮೀರಿದ ಅವಧಿಯ ಒಪ್ಪಂದಕ್ಕೆ ನಿಗದಿಪಡಿಸದೆ"," ಗರಿಷ್ಠ ಎರಡು ವರ್ಷಗಳವರೆಗೆ " ಗೊತ್ತುಮಾಡಲಾಗಿದೆ.
22 ಜೂನ್ 2021, 15:00
ಕನ್ನಡಕ್ಕೆ: ಸೌಮ್ಯ ಗಾಯತ್ರಿ